Skilmálar

White Noise Barnavöruverslun

1. Almennt

White Noise Barnavöruverslun er vefverslun rekin af HRH ehf. Skilmálar þessir gilda um kaup og viðskipti í vefversluninni whitenoise.is nema annað sé sérstaklega tekið fram.

Um viðskipti við neytendur gilda íslensk lög, þar á meðal lög nr. 48/2003 um neytendakaup, lög nr. 16/2016 um neytendasamninga og lög nr. 30/2002 um rafræn viðskipti og aðra rafræna þjónustu.

2. Aldur og ábyrgð

Með því að versla hjá okkur staðfestir þú að þú sért að minnsta kosti 18 ára eða hafir heimild forráðamanns. Þú berð ábyrgð á því að veita réttar upplýsingar um þig og varðveita persónuleg inntaksgögn eins og lykilorð.

3. Vörur og lýsingar

Við leggjum áherslu á að birta sem nákvæmastar vörulýsingar og myndir. Vinsamlega athugaðu að útlit/litur vara getur verið breytilegt eftir skjástillingum. Við áskiljum okkur rétt til að uppfæra lýsingar eða hætta sölu á vörum án fyrirvara.

4. Pantanir

Viðskiptavinur ber ábyrgð á að upplýsingar sem gefnar eru upp við pöntun séu réttar. Eftir að pöntun hefur verið lögð inn er staðfesting á móttöku hennar send á það netfang sem gefið var upp við pöntun.

White Noise Barnavöruverslun áskilur sér rétt til að hætta við pöntun ef vara er ekki tiltæk, augljós villa hefur orðið við verðlagningu eða vörulýsingu eða aðrar málefnalegar ástæður koma í veg fyrir afgreiðslu hennar. Hafi greiðsla þegar farið fram skal hún endurgreidd án ástæðulausrar tafar.

Réttur neytanda til að falla frá kaupum samkvæmt lögum nr. 16/2016 um neytendasamninga er nánar útskýrður í 7. kafla.

5. Verð og greiðslur

Öll verð eru gefin upp í íslenskum krónum (ISK) og innihalda 24% virðisaukaskatt nema annað sé tekið fram. Sendingarkostnaður bætist við í lok greiðsluferlisins. Við tökum við greiðslum með debet, kreditkortum, millifærslu og Netgíró.

6. Afhending og sendingar

Við sendum pantanir með Dropp og Póstinum. Pantanir eru afgreiddar 1-4 virkum dögum eftir að pöntun berst nema að annað sé tekið fram, eins og FORPÖNTUN. Afhendingartími er yfirleitt 1–6 virkir dagar. Við sendum einnig frítt innan Þorlákshafnar.

Áhætta af því að vara týnist eða skemmist við flutning flyst almennt yfir á kaupanda þegar hann, eða þriðji aðili sem hann hefur tilgreint, hefur tekið vöruna í sína vörslu.

7. Skilafrestur og endurgreiðslur

Við kaup í vefverslun White Noise Barnavöruverslun hefur neytandi rétt til að falla frá kaupum án þess að tilgreina ástæðu innan 14 daga frá því að hann, eða þriðji aðili sem hann tilnefnir, tekur vöruna í sína vörslu, í samræmi við lög nr. 16/2016 um neytendasamninga.

Til að nýta réttinn skal neytandi tilkynna White Noise Barnavöruverslun með skýrum hætti um ákvörðun sína áður en 14 daga fresturinn rennur út. Tilkynningu má senda á whitenoise@whitenoise.is eða í gegnum rafrænt eyðublað á síðunni „Skil & vöruskipti“. Notkun eyðublaðsins er ekki skilyrði fyrir því að neytandi geti nýtt rétt sinn til að falla frá kaupum.

Eftir að tilkynnt hefur verið um að fallið sé frá kaupum skal neytandi skila vörunni án ástæðulausrar tafar og eigi síðar en 14 dögum frá tilkynningunni. Neytandi ber beinan kostnað af því að skila vörunni, nema annað hafi verið sérstaklega samþykkt eða um gallaða vöru sé að ræða.

Neytanda er heimilt að skoða og meðhöndla vöru að því marki sem nauðsynlegt er til að staðfesta eiginleika, einkenni og virkni hennar. Neytandi kann að bera ábyrgð á rýrnun verðgildis vörunnar sem stafar af meðferð umfram það sem nauðsynlegt er í þeim tilgangi.

Þegar réttur til að falla frá kaupum er nýttur endurgreiðir White Noise Barnavöruverslun allar greiðslur sem neytandi hefur innt af hendi vegna kaupanna, þar á meðal sendingarkostnað, ef við á. White Noise Barnavöruverslun er þó ekki skylt að endurgreiða viðbótarkostnað sem hlýst af því að neytandi velur annan og dýrari afhendingarmáta en ódýrasta afhendingarmáta sem boðinn var.

Endurgreiðsla fer fram án ástæðulausrar tafar og eigi síðar en 14 dögum eftir að White Noise Barnavöruverslun hefur verið tilkynnt um ákvörðun neytanda um að falla frá kaupum. White Noise Barnavöruverslun er þó heimilt að halda endurgreiðslu eftir þar til varan hefur borist til baka eða neytandi hefur sýnt fram á að hún hafi verið send til baka, hvort sem gerist fyrr. Endurgreiðsla fer að jafnaði fram með sama greiðslumiðli og notaður var við kaupin nema sérstaklega sé samið um annað.

Réttur til að falla frá kaupum gildir ekki í þeim tilvikum sem undanþegin eru samkvæmt lögum, meðal annars þegar vara hefur verið sérsniðin sérstaklega að óskum neytanda eða þegar innsigli hefur verið rofið á vöru sem ekki er unnt að skila af heilsuverndar- eða hreinlætisástæðum.

Réttur samkvæmt þessum kafla takmarkar ekki lögbundinn rétt neytanda vegna galla á vöru.

8. Kvartanir og gallar

Ef neytandi telur vöru gallaða skal tilkynna White Noise Barnavöruverslun um gallann innan sanngjarns tíma frá því að hans varð vart.

Um rétt neytanda vegna galla fer samkvæmt lögum nr. 48/2003 um neytendakaup. Eftir atvikum getur neytandi átt rétt á úrbótum, nýrri afhendingu, afslætti eða riftun kaupanna samkvæmt skilyrðum laganna.

Úrbætur og ný afhending vegna galla skulu fara fram án kostnaðar og verulegs óhagræðis fyrir neytanda og innan hæfilegs tíma.

9. Gallar og kvörtunarfrestur

Um galla á vörum sem seldar eru af White Noise Barnavöruverslun fer samkvæmt lögum nr. 48/2003 um neytendakaup.

Almennt er frestur neytanda til að bera fyrir sig galla tvö ár frá því að hann tók við vörunni. Sé vörunni eða hlutum hennar ætlaður verulega lengri endingartími getur fresturinn verið fimm ár.

Þessi frestur takmarkar ekki önnur réttindi neytanda sem kunna að leiða af lögum.

10. Öryggi og notkun hjálpar- og klappturna.

Hjálpar- og klappturnar sem seldir eru hjá White Noise Barnavöruverslun eru ætlaðir til notkunar upp að borði, eldhúsinnréttingu eða annarri traustri yfirborðseiningu, í samræmi við leiðbeiningar framleiðanda. Slíkar vörur eru ekki hannaðar til að standa frístandandi.

Notkun hjálpar- eða klappturns sem stendur frístandandi, eða notkun sem er í ósamræmi við leiðbeiningar framleiðanda, telst ekki örugg notkun og er á ábyrgð notanda. Barn skal ávallt vera undir virku eftirliti fullorðinna við notkun hjálpar- og eða klappturna. 

White Noise Barnavöruverslun ber ekki ábyrgð á slysum, tjóni eða meiðslum sem kunna að verða vegna rangrar notkunar, vanrækslu eða notkunar sem fer gegn leiðbeiningum framleiðanda. Framangreint takmarkar ekki lögbundin réttindi neytanda vegna galla á vöru.

11. Raftæki, rafhlöður og hleðsla

Vörur með innbyggðri endurhlaðanlegri rafhlöðu, þar á meðal White Noise hljóðtæki, skal nota og hlaða í samræmi við leiðbeiningar framleiðanda og þær upplýsingar sem fylgja vörunni.

Fyrir White Noise tæki skal nota viðeigandi USB-hleðslubúnað samkvæmt leiðbeiningum vörunnar. Mælt er með 5V / 0,5–1A USB-hleðslukubbi nema annað sé sérstaklega tekið fram fyrir viðkomandi vöru. Notkun hleðslubúnaðar sem er ekki í samræmi við leiðbeiningar framleiðanda, þar á meðal ósamhæfs hraðhleðslubúnaðar, getur haft áhrif á virkni, rafhlöðuendingu eða valdið skemmdum.

Lögbundin réttindi neytanda vegna galla á vöru gilda óháð þessum skilmálum. Ábyrgð vegna galla tekur hins vegar ekki til skemmda eða bilana sem rekja má til rangrar notkunar, notkunar á óviðeigandi eða ósamhæfum hleðslubúnaði, vanrækslu, slysa eða annarra utanaðkomandi áhrifa.

Endurhlaðanlegar rafhlöður rýrna eðli máls samkvæmt með aldri og notkun. Eðlileg rýrnun á afkastagetu rafhlöðu vegna aldurs og venjulegrar notkunar telst því ekki sjálfkrafa galli á vöru. Sé rýrnun eða bilun hins vegar óeðlileg miðað við aldur vörunnar, notkun hennar og þær upplýsingar sem veittar voru um vöruna, er kvörtun metin samkvæmt lögum um neytendakaup.

Ef tilkynnt er um bilun eða óeðlilega rafhlöðuendingu getur White Noise Barnavöruverslun óskað eftir að fá tækið til skoðunar og prófunar áður en tekin er afstaða til þess hvort um galla sé að ræða og hvaða úrræði eigi við.

Reynist vara gölluð fer um úrbætur, nýja afhendingu, afslátt eða endurgreiðslu eftir því sem við á samkvæmt lögum nr. 48/2003 um neytendakaup og skulu lögbundnar úrbætur vegna galla fara fram án kostnaðar og verulegs óhagræðis fyrir neytanda.

Reynist vara ekki gölluð er White Noise Barnavöruverslun heimilt, að uppfylltum skilyrðum laga, að krefjast greiðslu fyrir nauðsynlega athugun á vörunni, enda hafi neytanda verið gert ljóst fyrirfram að slíkur kostnaður geti fallið á hann.

12. Persónuvernd

White Noise Barnavöruverslun, rekin af HRH ehf., vinnur persónuupplýsingar viðskiptavina í samræmi við gildandi persónuverndarlöggjöf.

Persónuupplýsingar eru meðal annars unnar í þeim tilgangi að taka við og afgreiða pantanir, innheimta greiðslur, afhenda vörur, veita þjónustu og uppfylla lagaskyldur fyrirtækisins.

Nánari upplýsingar um hvaða persónuupplýsingum er safnað, tilgang og lagagrundvöll vinnslu, miðlun upplýsinga, varðveislutíma og réttindi einstaklinga er að finna í persónuverndarstefnu White Noise Barnavöruverslunar.

13. Vafrakökur

Vefverslun White Noise notar vafrakökur og sambærilega tækni til að tryggja virkni og öryggi vefsíðunnar og, eftir vali notanda, til greiningar, sérstillingar og markaðssetningar.

Vafrakökur sem ekki eru nauðsynlegar fyrir virkni vefsíðunnar eru aðeins notaðar á grundvelli viðeigandi heimildar og samþykkis þegar þess er krafist samkvæmt lögum.

Notendur geta stjórnað vali sínu og afturkallað samþykki í vafrakökustillingum vefsíðunnar.
Nánari upplýsingar um notkun vafrakaka er að finna í persónuverndar- og vafrakökustefnu White Noise Barnavöruverslunar.

14. Höfundarréttur og hugverkaréttindi

Efni sem White Noise Barnavöruverslun á réttindi að, svo sem eigin ljósmyndir, textar, grafík og vörumerki, er verndað samkvæmt viðeigandi lögum um höfundarrétt og hugverkaréttindi. Óheimilt er að afrita, birta eða nota slíkt efni í atvinnuskyni án heimildar rétthafa.

15. Ágreiningur og lögsaga

Um viðskipti við White Noise Barnavöruverslun og þessa skilmála gilda íslensk lög. Komi upp ágreiningur vegna viðskipta mun White Noise leitast við að leysa málið í samráði við viðskiptavin. Náist ekki samkomulag getur neytandi leitað til viðeigandi úrskurðar- eða kærunefndar, eftir því sem við á, eða borið málið undir dómstóla samkvæmt almennum reglum íslensks réttarfars.

16. Breytingar á skilmálum

White Noise Barnavöruverslun áskilur sér rétt til að breyta þessum skilmálum þegar tilefni er til. Gildandi útgáfa skilmálanna er birt á whitenoise.is.

Breytingar á skilmálum hafa ekki áhrif á réttindi og skyldur vegna kaupa sem þegar hafa verið gerð, nema lög eða sérstakt samkomulag aðila kveði á um annað.

17. Samskiptaupplýsingar

White Noise Barnavöruverslun
Rekin af HRH ehf.
Kennitala: 570524-0540
Hafnarskeið 6
815 Þorlákshöfn
Netfang: whitenoise@whitenoise.is
VSK-númer: 153162
Skráð í fyrirtækjaskrá.